Qazaqstan Respýblıkasy Investısııalar jáne damý mınıstrliginiń buıryǵy  №293

  2016 jylǵy 29 naýryz, Astana qalasy Baǵaly metaldardy óndirý sýbektileriniń tizbesin qalyptastyrý qaǵıdalaryn bekitý týraly «Baǵaly metaldar men asyl tastar týraly» 2016 jylǵy 14 qańtardaǵy Qazaqstan Respýblıkasynyń Zańy 4-babynyń 10) tarmaqshasyna sáıkes buıyramyn: 1. Qosa berilip otyrǵan Baǵaly metaldardy óndirý sýbektileriniń tizbesin qalyptastyrý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti (A.Q. Erjanov): 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdaryna jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq onyń alǵash resmı jarııalanǵan kúninen keıin qoldanysqa engiziledi. Qazaqstan Respýblıkasynyń Investısııalar jáne damý mınıstri Á. ISEKEShEV Qazaqstan Respýblıkasy Investısııalar jáne damý mınıstriniń 2016 jylǵy 29 naýryzdaǵy № 293 buıryǵymen bekitilgen Baǵaly metaldardy óndirý sýbektileriniń tizbesin qalyptastyrý qaǵıdalary 1. Jalpy erejeler 1. Osy Baǵaly metaldardy óndirý sýbektileriniń tizbesin qalyptastyrý qaǵıdalary (budan ári - Qaǵıdalar) «Baǵaly metaldar men asyl tastar týraly» 2016 jylǵy 14 qańtardaǵy Qazaqstan Respýblıkasynyń Zańy (budan ári - Zań) 4-babynyń 10) tarmaqshasyna sáıkes ázirlengen jáne baǵaly metaldardy óndirý sýbektileriniń tizbesin (budan ári - Tizbe) qalyptastyrý tártibin aıqyndaıdy. 2. Osy Qaǵıdalarda mynadaı negizgi uǵymdar paıdalanylady: 1) affınajdaý – baǵaly metaldardy qospalardan jáne ilespe quraýyshtardan tazalaý, baǵaly metaldardy ulttyq nemese halyqaralyq standartqa sáıkes keletin sapaǵa deıin jetkizý prosesi; 2) baǵaly metaldar – kez kelgen kúıdegi jáne túrdegi altyn, kúmis, platına jáne platına tobyndaǵy metaldar (palladıı, ırıdıı, rodıı, rýtenıı jáne osmıı); 3) baǵaly metaldardy óndirý sýbektileri – Qazaqstan Respýblıkasynyń aýmaǵynda baǵaly metaldardy óndirýdi júzege asyratyn Qazaqstan Respýblıkasynyń zańdy tulǵalary; 4) quramynda baǵaly metaldar bar shıkizat taýarlary – óńdelmegen baǵaly metaldar (onyń ishinde, quıma túrindegi Dore qorytpasy, katodty metall), myrysh shógindileri, baǵaly metaldardyń synyqtary men qaldyqtary, baǵaly metaldardyń kenderi men konsentrattary, quramynda baǵaly metaldar bar tústi metaldardyń kenderi, konsentrattary jáne kúli, tústi metaldar óndirisiniń jartylaı ónimderi; 5) ýákiletti organ – baǵaly metaldardy óndirýdi jáne baǵaly metaldar men asyl tastardyń, quramynda baǵaly metaldar bar shıkizat taýarlarynyń, zergerlik jáne basqa da buıymdardyń aınalymyn retteý salasyndaǵy basshylyqty, sondaı-aq Qazaqstan Respýblıkasynyń zańnamasynda kózdelgen shekterde salaaralyq úılestirýdi júzege asyratyn ortalyq atqarýshy organ. 2. Baǵaly metaldardy óndirý sýbektileriniń tizbesin qalyptastyrý tártibi 3. Tizbege baǵaly metaldardy jáne quramynda baǵaly metaldar bar shıkizat taýarlaryn qaıta óńdeýdi jáne (nemese) affınajdaýdy júzege asyratyn jáne osy Qaǵıdalarǵa 1-qosymshaǵa sáıkes nysan boıynsha baǵaly metaldardy óndirý sýbektileriniń tizbesine derekterdi engizý týraly habarlamany (budan ári - Habarlama) bergen baǵaly metaldardy óndirý sýbektileri jatady. 4. Baǵaly metaldardy óndirý sýbektileriniń tizbesi osy Qaǵıdalarǵa 2-qosymshaǵa sáıkes nysan boıynsha qalyptastyrylady jáne ýákiletti organmen bekitiledi. Tizbege derekterdi engizýdi habarlama negizinde ýákiletti organ júzege asyrady. 5. Ýákiletti organ habarlama túsken kúnnen bastap 5 jumys kúni ishinde mynadaı: 1) baǵaly metaldardy óndirý sýbektisin Tizbege engizý týraly; 2) baǵaly metaldardy óndirý sýbektisin Tizbege engizýden bas tartý týraly sheshimderdiń bireýin shyǵara otyryp, ony qarastyrady. 6. Baǵaly metaldardy óndirý sýbektisin Tizbege engizýden bas tartýǵa baǵaly metaldardy óndirý sýbektisi usynǵan habarlamanyń osy Qaǵıdalarǵa 1-qosymshaǵa sáıkes nysanǵa sáıkes kelmeýi negiz bolyp tabylady. 7. Tizbege engizý týraly sheshim ýákiletti organnyń buıryǵy nysanynda qabyldanady, ol ýákiletti organnyń ınternet-resýrsynda ornalastyrylýǵa jatady. 8. Tizbege engizilgen derekter ózgergen jaǵdaıda, baǵaly metaldardy óndirý sýbektisi ýákiletti organǵa erikti nysanda habarlaıdy, onyń negizinde ýákiletti organ habarlamany alǵan sátten bastap 5 jumys kúni ishinde Tizbege tıisti ózgeristerdi engizedi. 9. Baǵaly metaldardy óndirý sýbektisi baǵaly metaldardy jáne quramynda baǵaly metaldar bar shıkizat taýarlaryn qaıta óńdeý jáne (nemese) affınajdaý boıynsha qyzmetin toqtatqan jaǵdaıda, ýákiletti organ osy baǵaly metaldardy óndirý sýbektisin, onyń erikti nysanda usynylǵan habarlamasy negizinde, osy habarlamany alǵan sátten bastap 5 jumys kúni ishinde Tizbeden shyǵarady. Baǵaly metaldardy óndirý sýbektileriniń tizbesin qalyptastyrý qaǵıdalaryna 1-qosymsha Nysan _____________________ (memlekettik organnyń _____________________ tolyq ataýy) Baǵaly metaldardy óndirý sýbektileriniń tizbesine derekterdi engizý týraly habarlama 1. Osymen______________________________________________________________________ (zańdy tulǵanyń tolyq ataýy, bıznes-sáıkestendirý nómiri) ____________________negizinde áreket etetin _____________________________tulǵasynda _______________________________________________________________________________ (quramynda baǵaly metaly bar shıkizat taýarynyń túrin kórsete _______________________________________________________________________________ otyryp, tehnologııalyq operasııalar túrleriniń ataýyn kórsetiledi ) boıynsha qyzmetti júzege asyratyndyǵy týraly habarlaıdy. 2. Zańdy tulǵanyń ornalasqan orny ________________________________________________________________________________ (poshtalyq ındeksi, oblys, qala, aýdan, eldi-mekeni, kóshe ataýy, úı/ǵımarat/ qurylys nómiri) 3. Elektrondyq poshtasy ___________________________________________________________ 4. Telefony ___________________________________________________________ 5. Faks _____________________________________________________________ Osy habarlamany bere otyryp ótinish berýshi mynalardy rastaıdy: barlyq kórsetilgen derekter durys bolyp tabylady jáne olarǵa qyzmetti júzege asyrý máseleler boıynsha kez kelgen aqparatty jiberýge bolady; zańdy tulǵaǵa málimdelgen qyzmet túrimen aınalysýǵa sotpen tyıym salynbaıdy; zańdy tulǵa qyzmetin júzege asyrý úshin mindetti bolyp tabylatyn Qazaqstan Respýblıkasy zańnamasynyń talaptaryn saqtaýdy qamtamasyz etedi. 7. О́tinish berýshi ________ _____________________________________ (qoly) (tegi, aty, ákesiniń aty - bar bolǵan jaǵdaıda) Berilgen kúni: 20 __ jylǵy «____» ___________ Mór orny (bar bolǵan jaǵdaıda) Baǵaly metaldardy óndirý sýbektileriniń tizbesin qalyptastyrý qaǵıdalaryna 2-qosymsha Nysan Baǵaly metaldardy óndirý sýbektileriniń tizbesi № Baǵaly metaldardy óndirý sýbektileriniń ataýy BSN Ornalasý orny Baılanys telefony Elektrondyq poshtasy, faks Tehnologııalyq operasııalar-dyń túrleri Quramynda baǵaly metaldary bar shıkizat taýarlarynyń túrleri Buıryq Qazaqstan Respýblıkasynyń Ádilet mınıstrliginde 2016 jylǵy 29 sáýirde Normatıvtik quqyqtyq kesimderdi memlekettik tirkeýdiń tizilimine №13649 bolyp engizildi.